GURAA

Getxoko Santa Mariako 95 m2-ko etxebizitza honen erberritzeak bi helburu erdietsi nahi zituen: jatorriz igarobide-eremuetan alferrik galtzen ziren espazioak maximizatzea eta ezohikoa, garbia eta erosoa den ingurune global bat sortzea.

Hori lortzeko, banaketatik korridorearen ahal bezain beste metro lineal kendu genituen, eta beharrezkoak ziren tokietan, erabilerak txertatu, hala nola, egongelarako sarbidean ikasketa-eremua. Inguruarekin mimetizatutako ateak espazioa abstraitzeko modu gisa erabili genituen, horrela sentsazio desberdinak sortuz eta sorpresa faktorearekin jolastuz.

Etxearen estilo orokorra egungo ikuspegitik bideratu zen; lerro fin eta zainduekin diseinatutako espazioak dira, guztiz minimalista ez baina funtsezkoa den ingurunea sortuz eta ingurumen-kalitatea eskainiz.

Zuriak kanpoko argiarekiko zubi gisa protagonismoa hartzen du, zoruan eta egongelako aurrealdean egur naturala erosotasun sentsaziorako ezinbesteko elementu gisa erabiliz. Horrez gain, estudioko grafitoa edo jangelako petrolio urdina bezalako beste tonu batzuk zonifikatu eta ondoko espaziarekiko giro independienteak sortzeko erabiltzen dira, baliabide hau etxearen zatirik ahaztuenetako batekin azpimarratuz, sabaia, alegia, zeinak, hala ere, ondo aztertuta, apaintzen eta mugatzen duen, banaketan errefortzu-elementu bihurtuz eta argiztapen on baten euskarri logiko gisa baliatuz.

Dekoraziorako, altzariak modu eklektikoan erabili ziren, elementu ezagunak integratuz, hala nola egongelako kafe-mahaia edo ikas-eremuko ispilua, abangoardiako piezekin, hala nola, Jaime Hayón-en Lounger besauki guztiz gorriak.

Neurrira egindako altzariei esker espazio guztiak ezin hobeto antolatuta daude, hala nola, estudioa, apalategiak eta egongelako aurrealdea, lanerako txokoa molduran integratuta dagoen mahaiarekin, etab. Eta egungo ukitua material teknikoen erabilerarekin islatzen da, hala nola, formatu handiko portzelanikoa bainugelan, argiztapen teknikoa eta puntako burdineria, elementu klasiko eguneratuei keinuak ahaztu gabe, hala nola errezelak, burdin-lanak eta moldurak.

Pisu honen osoko-eraberritze proiektu honek bezeroaren laguntza ezin estimatuzkoa izan zuen. Benetako plazerra!